香港新浪網 MySinaBlog 精選話題工具
新浪網 - MySinaBlog
2014年前不加息
Loser | 26th Jan 2012, 11:53 | 一般 | (112 Reads)
伯老送大家新年賀禮, 美聯儲局發表會後聲明將會維持超低息環境直至起馬2014年不加息, 令美股昨晚先跌後回升, 美元兌各主要貨幣急跌, 澳元兌美元升上1.06, 歐元也升上1.31水平; 港股今天龍年首日紅盤高開後暫時橫行, 部份股仔龍精虎猛, 市況唔難玩, 祝大家發個新年財, 恭喜恭喜!
留言(34) | 引用(0)

中期升勢已成, 短線回吐難免
Loser | 20th Jan 2012, 09:22 | 一般 | (193 Reads)

大市表現強勢, 成份股輪流接力, 昨天成交增大, 當然有人擔心大戶出貨係正常, 不過縱然短線回調, 日圖上看本次升浪成功突破100天線並守其上, 為上年第二季跌市以來首次, 有信心健康回調後大市春節回來上試21000點水平; 公園舉辦之2012年誰是股王大賽今天截止, 各位未選股的, 或者想換馬的, 請晚上12點前搞好佢, 冠軍可獲ccc妹妹香吻一個, 非常吸引, 千祈唔好錯失良機!

http://www.editgrid.com/user/iamkc1127/stock_pick_competition_2012

留言(27) | 引用(0)

無風險利潤
Loser | 16th Jan 2012, 19:09 | 一般 | (271 Reads)
有咩野係無風險利潤,書本上叫arbritrage,利用產品上價格差異,獲取利益,不過亦持續短暫,因為市場是有效率的,市場人仕很快便把價格偏低的掃起,沽出偏高的同一樣產品,最終價格差異消失; 馬交呢幾天有新聞,話說有發鈔行準備由今年龍年起,一連十二年發行生肖新鈔,有限供應,結果發鈔行排長龍好似bank run,10蚊一張的新鈔,炒到50-60元一張,有聽聞發鈔行有支行經理,自己人一換便十多萬,轉頭六十多萬賣比炒家過肥年,咁好搵,你地日炒夜炒,成日比期子小姐玩,真係陰公,來馬交排隊換鈔算吧啦,無言.....腦殘政府,叫市民不要搶,因為年年有得換,大佬,明年人地排蛇鈔了!看來,市民要排足十二年,本人明年轉去發鈔行,睇下有無私底下換番一百幾十先.....呢d無風險利潤,去邊搵呀!?
留言(52) | 引用(0)

牛熊比轉向
Loser | 12th Jan 2012, 10:11 | 一般 | (293 Reads)
網兄一大早大叫牛熊比轉生態, 散仔博大市見頂, 我睇大市暫時大脹小回, 呢兩天等歐洲未必大升, 如無事下星期先開車.
留言(40) | 引用(0)

左手殺牛右手殺熊
Loser | 9th Jan 2012, 10:01 | 一般 | (321 Reads)

開市後大市一直插, 應該太多近牛所致, 而家期指跌緊300點, 阿爺開始倒升, 睇下跟唔跟, 內銀暫時睇落還算不太弱, 1555及992升緊添, 751也想反僕.

猜猜誰是股王大賽只供公園老友牙較過癮, cdrom如想玩請出來打個招呼先.

http://www.editgrid.com/user/iamkc1127/stock_pick_competition_2012

留言(52) | 引用(0)

2012年誰是股王大賽
Loser | 6th Jan 2012, 15:09 | 一般 | (141 Reads)

自己填唔該 http://www.editgrid.com/user/iamkc1127/stock_pick_competition_2012

1月20日23:59分截數, 以1月20日收市價為開始價, 玩到12月19日收市價為最終價定名次; 選一隻指數股(恆或國)及一隻隨意股

留言(14) | 引用(0)

轉載:市場由情緒主導?
Loser | 5th Jan 2012, 09:46 | 一般 | (149 Reads)
4 1月 12, 10:20 下午
[×] [o] rc2: 預測從來只是一場遊戲不能認真。1982年12月到1996年12月（因為香港主權回歸）朋友們組織了一個名為1997年會，每年除夕夜聚首一堂以顯示對1997年7月主權回歸的信心（當時不移民者被視為不合潮流）；同時，猜測下年度12月31日恒生指數多少點？成員中不乏今天的知名人士。十五年過去了，筆者告訴大家，猜測結果是沒有一年有人預測到下年度恒生指數。但筆者發現上述預測十分有用，就是當大部分人偏淡之時，下年度股市往往向上；當大部分人偏好之時，下年度股市又往往向下，只可惜這個年會到1997年已解散。曹仁超


4 1月 12, 10:20 下午
[×] [o] rc2: 值得注意是：一、當股市向某一方向走的時間愈久、愈容易出現方向改變；二、恒生指數拋離250天線距離愈大，愈容易出現反彈（或回落）；三、太陽底下無新事。過熱的股市遲早回落、太悲觀的分析，股市遲早上升。升得愈高、跌得愈重，跌幅愈大、反彈力度愈大；四、90%小投資者往往在高價時才追貨、90%小投資者在最低價都不敢入市，例如去年10月；五、股市由恐懼與貪念支配，與經濟關係不大；六、股市見頂前雞犬股皆升、見底時只有大藍籌股有成交。成交額少往往是大市見底先兆，成交額大才令人擔心；七、當80%股市專家睇淡後市之時，股市往往向上升而非下跌；八、太多小投資者開心之時、小心升市將盡；大部分散戶無心機時、跌市亦快完成。

留言(12) | 引用(0)

祝大家新一年羸爆廠
Loser | 3rd Jan 2012, 09:33 | 一般 | (233 Reads)
2011年絕對唔易玩, 市場投資氣氛亦360度大轉變, 由非常牛氣到而家大圍普遍非常悲觀, 雖然未到極端將蟹貨全沽階段, 但個人感受到悲觀氣氛與08/09年時不相上下, 希望是見左底訊號!  另一值得留意是, 二三線中小型股係呢個11年跌浪, 好多都跌到股災咁, 反而指數股相對跌得少, 係唔係代表部份二三線已見底, 指數股未見呢?  祝大家今年順風順水, 揸沽上下其手, 羸到開巷, 數錢數到手軟!
留言(38) | 引用(0)

蒙牛又奶野
Loser | 28th Dec 2011, 09:35 | 一般 | (324 Reads)
聖誕節普天同慶, 不過蒙牛股東便笑唔出, 因為隻奶自08年出事後, 又被驗出有致癌物, 飲落肚ge野, 出一次事想人飲番已好難, 兩次更加唔駛旨意, 今天隻野開出來便無左廿幾巴仙, 假如唔好彩你有貨, 死貓彈時好走人, 股海仲有好多野好炒, 唔好同佢談情喇, 有咩炒留意ccc報導喇.
留言(53) | 引用(0)

歐洲印銀紙?
Loser | 21st Dec 2011, 10:30 | 一般 | (351 Reads)
市場繼續時好時淡來殺倉, 上星期壞消息不斷殺淡倉, 昨晚相反一面倒好消息, 美國新屋動工數據超市場預期, 西班牙國債拍賣遠比預期理想, 德國消費者信心意外上升, 加上歐央行對歐元區銀行推出新貸款計劃以增加流動性, 市場正注視這一計劃骨子裡是不是歐洲央行對量化寬鬆印銀紙開綠燈, 眾多利好消息下美股昨晚升幅超過三巴仙; 港股昨天大部份時間強勢, 並無跟隨前晚美股下挫, 只是尾市期指急回大低水震走好倉, 今早早市夾倉一輪急升後暫受制18500點水平, 由於歐央行似乎已改政策方向, 暫時維持上落市稍為偏好睇法.
留言(59) | 引用(0)

企鵝
Loser | 19th Dec 2011, 09:45 | 一般 | (311 Reads)
無啦啦跌咩春,可能望阿爺放水又無消息,表錯情; 可能歐洲佬又無好消息; 可能...牛太多?? 買左企鵝,應該會比大市為強,前題係大市要先企穩,開市跌左三百幾,睇下有無機收市上番18000點上面.
留言(48) | 引用(0)

商品急跌
Loser | 15th Dec 2011, 10:23 | 一般 | (230 Reads)

呢兩天跌勢有d唔同左, 外圍股指跌幅唔太勁, 反而商品及外匯市場風聲鶴唳, 除憂慮歐元區問題外, 大陸經濟增長放緩及股指勁弱勢反而我仲擔心, 點都好, 今天殺左大部份重牛, 大戶順勢殺完倉可能有反彈, 不過都要視乎阿爺企穩先, 長實比超人係咁增持, 大家不如一齊支持下.

留言(25) | 引用(0)

只要信不要問,,,好好笑
Loser | 12th Dec 2011, 10:22 | 一般 | (273 Reads)

近日大市悶到發毛,除左隔夜gap之外,即市波幅窄到無輪,無野玩便到酒店行下,發現了一個崇拜偶像,盲目跟從賭大細現象,經手人口口聲聲只要信,不要問,唔買便會呻笨;回覆的人幾乎都一面倒跟隨,可能因為近期市況惡玩,有所謂內幕野便有得參考好過無;本人並唔係排除內幕野可能性,不過一來指數唔係股仔,咁容易比你舞?二來都略有所聞,大投行每天都幾個劇本,點會有上星期已預到今星期一定點樣走,只要信不要問之類;其實最大問題唔係神棍,而係盲目跟隨的信徒,錢係你自己的,下注點可以好似係街市一樣,信我啦,d菜心好令....大佬,你玩緊牛熊,一估錯邊便下下無左幾十巴仙,呢個世界邊有容易錢架,力不到不為財,三思而後生啦.

留言(35) | 引用(0)

健康調整後試上去
Loser | 7th Dec 2011, 09:39 | 一般 | (356 Reads)
港股昨天借標普將歐元多國列負面觀察名單而下挫, 不過力守18800點關口, 大市經過上周多國央行聯手放水而大升後出現健康整固, 對後市再向上挑戰高位有利, 恆指暫時維持18800-19200點之間上落格局,  上面19500點阻力亦是100天移動平均線位置, 這跌浪以來反彈也受制於100天線, 如成功有效突破將為一強力買入訊號. 入市建議留意內銀股, 有機帶一帶呢一段.  (筆者持有建行call) hehe
留言(37) | 引用(0)

牛熊每天炒?
Loser | 6th Dec 2011, 11:23 | 一般 | (115 Reads)
大市趁放水反彈後, 又來再次憂慮歐債及歐豬將被降級, 今天港股低開後繼續走軟, 但仍守到18800點水位, 整固後有望再上試番19500左右阻力.  市況淡靜, 有行家推衍生產品買賣每單唔使五蚊銀優惠吸引客戶短炒, 成本便左當然係好事, 不過亦小心不要因此而入市, 以免因少失大, 不要每天強迫自己買賣, 尤其惡玩的市況, 英哥教落, 投資投機不計難易分, 投資投機自古也是好天搵埋下雨柴, 我見十天成交有五隻係牛熊, 當中唔知死左幾多散戶, 陰公!
留言(11) | 引用(0)

阿爺聯手放水
Loser | 1st Dec 2011, 10:47 | 一般 | (340 Reads)

淡友惡夢, 政府打茅波, 又再出現!  昨晚聽到各大央行聯手放水, 阿爺都跟車, 終於肯減RRR, 港女今天好醒神, 早市勁升成千點, 國指升8巴仙添! 而家成交都過四百億, 今天總成交應該可以連續兩天上番七百掛, 有成交先有野玩, 正呀! 雖則放緊假, 今早客人就打來問有咩部署, 看來散戶又開始心思思有件事鳥, 大市有機會上試100天線位於19500附近, 十月大反彈都收唔到呢條移動線, 睇下今次又點!

留言(30) | 引用(0)

趁反彈走野
Loser | 28th Nov 2011, 09:45 | 一般 | (337 Reads)
歐央行入市買意國等國家債券以及入市救意國等消息帶動大市反彈, 美期而家升緊200點, 港股今天開升近400點, 重上18000點水平, 似夾高結算轉倉多少少, 如未走貨, 不如趁反彈減下野, 成交太低, 短炒都係惡玩, 無貨者度下六合彩算啦. 
留言(40) | 引用(0)

陰跌最難搞
Loser | 23rd Nov 2011, 10:27 | 一般 | (299 Reads)
陰陰跌, 人人等放水, 無水便唔炒, 唔炒便又陰陰跌, 人人繼續等放水..........
留言(31) | 引用(0)

再戰18000
Loser | 21st Nov 2011, 09:55 | 一般 | (228 Reads)

日圖走勢非常不利, 100天線頂住, 剛好反彈左50%, 18000點根本唔係位, 除非神仙打救, 又或各國政府出手做野, 否則bear three mode 又再啟動, cash is king mode again !

留言(22) | 引用(0)

再戰19000
Loser | 16th Nov 2011, 10:19 | 一般 | (337 Reads)
大市仍受歐豬問題困擾, 三日唔埋兩日又發作, 不過淡友又未必敢太大動作, 始終怕政府又打茅波, 今天大市高開後倒跌, 而家跌左三百點, 試緊18045-19000點支持, 如可守, 仍是上落市格局, 不過外匯就好樣衰, 暫時都係偏淡居多.
留言(39) | 引用(0)

Next